Raki e vjetëruar 2018 - 0,7L 45%vol. - Kantina KALLMETI

Raki rrushi Kallmet (e vjetëruar, me ngjyrë ari). 
Klasifikimi: Distilat me metodë tradicionale nga lengu i fermentuar i rrushit Kallmet dhe e vjetëruar në vozga lisi francez.
Origjina (Zona e prodhimit): Zona e Kallmetit dhe fshatrat perreth, në një gjatësi gjeografike jo më larg
se 30 km nga vendndodhja e Kantinës Kallmeti.
Varieteti i Rrushit: 100 % Kallmet, i cili është varietet i lashtë autokton shqiptar i kultivuar në zonën e origjinës dhe i përhapur kryesisht në rrethet e Lezhës dhe Shkodrës. Rendimenti mesatar në vreshtat është 50-60 Kv/Ha.
Tradita: Kultivimi i këtij varieteti rrushi dhe rakia e prodhuar prej tij janë trashëguar nga te gjitha familjet
e zonës, si për konsum familjar ashtu edhe për treg. Vjetërimi është bërë në vozga druri të tipeve të
ndryshme të prodhuara nga artizanët e zonës.
Metoda e prodhimit: Pas përfundimit të fermentimit në temperaturë të kontrolluar, lengu i përftuar pas presimit të bërsive, shkon në distileri. Kjo raki prodhohet me distilatore (kazanë rakie prej bakri) me metodën tradicionale. Rakia ruhet 6 muaj në enë inoksi pastaj 3 vjet në vozga druri lisi francez dhe më pas 6 muaj në shishe qelqi përpara daljes në treg.
Karakteristikat organoleptike dhe fiziko kimike: Paraqitet me ngjyrë ari, e shprehur dhe e larmishme, më e rumbullakosur ku spikatin aromat tipike të varietetit si dhe aroma të veçanta të drurit të marra gjatë vjetrimit. Grada alkolike në varësi të vitit të prodhimit varion në 45–50 % Vol.
Këshilla e somelierit: Përshtatet mire me djathë, ullinj, antipasta mikse dhe sallamra të stazhonuar. Këshillohet të konsumohet në sasi të vogla edhe pas vaktit të ushqimit. Temperatura e këshilluar e shërbimit: 12-14°C. Mund të konsumohet edhe me akull.