Vaj ulliri Ekstra i virgjër - 1L - KALLMETI

Vaj Ulliri, ekstra i virgjër.
Origjina (Zona e prodhimit): Zona e Kallmetit dhe fshatrat perreth, në një gjatësi gjeografike jo më
larg se 30 km nga vendndodhja e Kantinës Kallmeti.
Varietetet e ullirit: 70 % Ullinj Kallmet, i cili është varietet i lashtë autokton shqiptar i kultivuar në zonën
e origjinës, dhe 30 % varietete të ndryshme.
Tradita: Kultivimi i varietetit të ullirit Kallmet dhe vaji i prodhuar prej tij janë trashëguar nga të gjitha familjet e zonës, si për konsum familjar ashtu edhe për treg. Të gjitha familjet e zonës e kanë këtë varietet dhe kanë prodhuar vajin me metoda tradicionale të shtypjes me këmbë ose me mullinj guri. Përveç këtij varieteti autokton në zonë janë kultivuar edhe varietete të tjera shqiptare dhe të huaja.
Metoda e prodhimit: Pas vjeljes në një periudhe më të hershme që është fundi i muajit Tetor dhe gjysma e parë e muajit Nëntor, ullinjtë dërgohen në fabrikën e vajit që është me metodën e përpunimit në të ftohtë dhe me ndarje centrifugale të vajit. Modeli Pegasso 500 e markës OMT (Officcine Mechanice Toscane). Ullinjtë përzgjidhen me kujdes për të përftuar vaj ekstra të virgjër. Duhet të dominojë ngjyra jeshile e kokrrës, të jenë të pastër dhe të përpunohen menjëherë pas vjeljes. Vaji i përftuar depozitohet në ene inoksi dhe lihet në procesin e dekantimit natyral për një periudhe 3-4 muaj. Pastaj bëhet mbushja në shishe qelqi dhe del direkt në treg.
Karakteristikat organoleptike dhe fiziko kimike: Paraqitet me ngjyrë jeshile, me aromën karakteristike të ullirit. Treguesit fiziko kimike që dalin për sasinë e prodhuar, pasi analizohen në laboratorin e ISUV (Institutit te Sigurisë Ushqimore dhe Veterinare), paraqiten në kundëretiketën e produktit.
Këshilla e somelierit dhe dietologut: Përshtatet mirë me sallata dhe për gatime për një gamë të gjerë ushqimesh.